Friday, February 11, 2011

தொடரும் அற்புதங்கள்...

நம் உயிரோடும், உணர்வோடும் உறவாடிக் கொண்டிருக்கும் செல்போனைப் பற்றிய சில தகவல்கள் :
புஷ் இமெயில், வீடியோ சாட், கான்ஃபரன்ஸ், ஃபைல் டிரான்ஷ்பர் என அனைத்து வசதிகளும் கையளவு உள்ள சாதனத்தில் கைகூடியது
மிகப் பெரிய அறிவியல் புரட்சி என்றே கூறலாம். ஒரு சராசரி குடும்பத்தில் குறைந்தது மூன்று செல்போன்களாவது இருப்பதே இந்த சாதனத்தின் மிகப் பெரிய வெற்றி.
இந்த ஆண்டு செல்போனை வைத்துக் கொண்டு இரண்டு பெரிய திட்டங்களை வழிவகுத்து அதில் முனைப்பாக ஈடுபட்டுள்ளனர். செல்போன்கள் இயங்க அடிப்படைக் காரணமே செல்போன் டவர்கள் தான். இதுநாள் வரை இந்த டவர்களின் மூலம் சிக்னல்களை பெற்று அதன் மூலமே செல்போன்கள் இயங்கி வருகின்றன. தற்போது பிளெண்டர்ஸ் பல்கலைக்கழக ஆராய்ச்சியாளர்கள் தலைமையில் செயல்படும் சர்வதேசகுழு ஒரு சாஃப்ட்வேரை உருவாக்கியுள்ளது. இந்த சாஃப்ட்வேர் சிக்னல்களை ஒரு செல்போனில் இருந்து இன்னொரு செல்போனுக்கு லிங்க் செய்ய உதவுகிறது. இதனால் டவர்கள் இல்லாமலேயே செல்போன் இயங்கும். ஒரே ஒரு ஆப்பரேடிங் டவர்
மட்டுமே இருக்கும். அதோடு எல்லா செல்போன்களும் இணைக்கப்பட்டு இருக்கும். இதன் மூலம் சிக்னல் பிரச்சனை தவிர்க்கப்படும்.
இரண்டாவது, விண்வெளி ஆராய்ச்சியில் செல்போனை ஈடுபடுத்த திட்டமிட்டுள்ளனர். அதிக வசதியுடைய "ஸ்மார்ட் போனை" விண்வெளிப் பாதையில் சுற்ற விட்டு, அதன் மூலம் செயற்கைக் கோள்களைக் கட்டுப்படுத்த திட்டமிட்டுள்ளனர். சுர்ரே செயற்கைக்கோள் தொழில்நுட்ப நிறுவனத்தைச்(எஸ்.எஸ்.டி.எல்) சேர்ந்த ஆராய்ச்சியாளர்கள்
குழு, சவால்கள் நிறைந்த விண்வெளிச் சூழலில் செல்போனை இயங்க வைக்கும் சிக்கலான வேலையை மேற்கொள்ளத் திட்டமிட்டுள்ளது. எஸ்.எஸ்.டி.எல் நிறுவனத்தின் திட்ட மேலாளர் ஷாயுன் கெரி, "கூகுளின் ஆன்ராய்டு ஆபரேடிங் சிஸ்டம் மூலம் இயங்கும் செல்போன் சுமார் 30செ.மீ தொலைவில் உள்ள செயற்கைக் கோளைக் கட்டுப்படுத்தும். அத்துடன் மேற்கொள்ளப்படும் ஆராய்ச்சிக்கு ஏற்ப பூமியைப் படம் எடுக்கும். முதலில் விண்வெளியில் ஸ்மார்ட்போன் எப்படி இயங்குகிறது? என்று பார்ப்போம். பின்னர் அதை வைத்து செயற்கைக் கோளை கட்டுப்படுத்தலாம்" என்கிறார்.

செல்போன் பற்றிய இரண்டு கவிதைகள் :

'செல்'வாக்கு?
----------------------
இறுகக் கை
பற்றி அழவும்
அழுத்தி ஒரு
முத்தமிடவும்
டெலிபோனைப் போல
ஏற்றதல்ல
செல்போன்...
-க.சீ.சிவக்குமார்.
விகடன்-11.04.04.

எங்கும் ஒலிக்கிறது!
-----------------------------
உயிர் பிதுங்கும்
உச்ச வ்லியில்
அலறித் தவிக்கும்
தலைப் பிரசவக்காரியின்
கைப்பையினுள்

வழிபாட்டின் நடுவே
பிரார்த்தனைகளைக்
கிழித்தெறியும்
ஓசையென

பயணத்தின்
சக பயணிகளை
சஞ்சலமுறவைக்கும்
ரகசியங்களின்
பெட்டகமாக

அரவமற்ற
சாலையொன்றின்
விபத்தில்
இறந்துகிடப்பவனின் அருகில்

இப்படியாக
எங்கெங்கும்
ஒலித்த வண்ணமிருக்கின்றன
எடுக்கப்படாத
கைபேசிகள்

இன்னமும்...
இன்னமும்...

No comments: