நம் சுதந்திரம்....

காலைல விடாப்பிடியா வரும் தூக்கம் நம் மிரட்டலாலும், கெஞ்சலாலும் கலைக்க வைத்து, அனிச்சையாய் பல் துலக்கி, குளிக்க வைத்து, வேண்டா வெறுப்பாய்
சாப்பிட வைத்து, சீருடை அணிய வைத்து,
பள்ளிப் பேருந்தில் ஏற்றி வைத்து விட்டு அப்பாடா..... என பெற்றோர்களின் சுதந்திரங்கள் சிறுவர்களின் அடிமைத்தனங்களால் நிரப்பப்படுகின்றன....

              மாற்றத்திற்குட்பட்டது....

இந்த உலகம் அழகாக இருக்க வேண்டும்,
இந்த உறவுகள் அழகாக இருக்க வேண்டும்,
இந்த வானம்,
அந்த நதி,
பெய்யும் மழை,
வீசும் காற்று
தகிக்கும் வெப்பம்
என யாவும் நாமெடுக்கும் ஒற்றை
புகைப்படத்திற்காகவாவது.....
அழகாக இருக்க வேண்டும்.

  பள்ளியெனும் அதிகார மையம்...

கடந்த 45 நாட்களின் மொத்த சோர்வும்,
இன்றைய காலைப்பொழுதில் தான் தூக்கமாக கண்ணில் வந்தமரும் 😴🛌😴
அவசர குளியல், பிடிக்காமலே சாப்பிடுவது, கட்டளைகளில் கழிவது
என பள்ளியெனும் ஒரு அதிகார மையத்திற்குள் நுழைந்து தான்
வாழ்கையெனும் பாடத்தை கற்க வேண்டியுள்ளது....😌😌