மாற்றத்திற்குட்பட்டது....

இந்த உலகம் அழகாக இருக்க வேண்டும்,
இந்த உறவுகள் அழகாக இருக்க வேண்டும்,
இந்த வானம்,
அந்த நதி,
பெய்யும் மழை,
வீசும் காற்று
தகிக்கும் வெப்பம்
என யாவும் நாமெடுக்கும் ஒற்றை
புகைப்படத்திற்காகவாவது.....
அழகாக இருக்க வேண்டும்.

  பள்ளியெனும் அதிகார மையம்...

கடந்த 45 நாட்களின் மொத்த சோர்வும்,
இன்றைய காலைப்பொழுதில் தான் தூக்கமாக கண்ணில் வந்தமரும் 😴🛌😴
அவசர குளியல், பிடிக்காமலே சாப்பிடுவது, கட்டளைகளில் கழிவது
என பள்ளியெனும் ஒரு அதிகார மையத்திற்குள் நுழைந்து தான்
வாழ்கையெனும் பாடத்தை கற்க வேண்டியுள்ளது....😌😌

                   நம் கடவுள்கள்...

பேங்க்ல சலான் எழுதி தரும் சிறுவன்,
சைடு ஸ்டேண்டை எடுக்க ஞாபகப்படுத்தும் ரோட்டோர கிழவன்,
கர்ப்பிணி பெண்ணுக்கு ஒரு முலம் பூ
எக்ஸ்ட்ராவாக கொடுக்கும் பூக்காரி ,
முடியாமல் கிடப்பவர்களுக்கு சட்டென
தன்னிருக்கையை அளிக்கும் சகபயணி,
இன்னுமின்னும் எத்தனையோ நடமாடும்
கடவுள்கள் இங்கிருப்பது நம் பக்தர்களுக்கு(!?) தெரியவில்லை போல...