நினைவுகளின் உடன்படிக்கைகள்

நினைவுகள் யாவற்றையும்
நிதானமாக பறித்துச் செல்கிறாய்.
ஒரு மலரை பறிப்பது போல் வெகு மென்மையாய் பறித்துச் செல்கிறாய்.
உயிர் வேர் வரை வந்து செல்கிறது
உன் வாசம்.
உன் அன்பின் ஈரத்திலும், கதகதப்பிலும்
கருவறையில் உனை சுமக்கவாவது
இந்த இறப்பின் இழப்பிற்குள் அந்த
வரத்தை எனக்களித்து விட்டுப் போ.
பிறகு பிரிந்து செல்லலாம்
நான் நீயாகவும்,
நீ நானாகவும்.