Wednesday, January 10, 2018

பிரிவின் சந்தர்ப்பங்கள்...


தள்ளி விட்டு அடிபட்ட காயத்திற்கு
மருந்திடுவதைப் போல உன் காதலின்
நிராகரிப்பை தெரிவித்தாய்,
என் கைகளை இறுகப் பற்றி
இனி இணைவதற்க்கான அத்தனை
அடையாளங்களையும் அழித்தாய்,
ஓவென அழுது கொண்டிருக்கும் என் இயலாமைக்கு நான் என்றுமே பாராத
உன் சிதைந்த சிரிப்பை பரிசளித்தாய்,
நெடுஞ்சாலை வெயிலில் மெல்ல இறந்து கொண்டிருந்தது, நம் காதலின்
நிறைவேறாத உடன்படிக்கைகள்.

No comments:

Post a Comment